Página de inicio

Unha moeda dixital para unha economía máis sabia.

A Sabia é unha nova moeda que favorece o pequeno comercio, o autoemprego e o consumo de proximidade, para así tamén coidar da natureza. Creala foi totalmente gratis!

Nace para facermos intercambios de todo tipo e colaboracións entre nós e priorizar o local á hora de consumir.

Todas as Sabias comezan apoiando proxectos que demostran saber coidar do ben común, para despois circular entre nós, sen saír de Galicia.

Utilizar esta moeda dixital é fácil, cómodo e gratuito. Podes ver como funciona a aplicación nos nosos titoriais.


Ferramenta para revitalizar o territorio, a economía e o apoio mutuo a base de confianza en nós mesmas.

Mediante unha aplicación para ordenador e móbil podes descubrir o que podes mercar con ela e contactar con calquera usuaria para realizar un intercambio.

Desde o mercado online tamén podes dar a coñecer o que ofreces e comezar a comprobar por ti mesma as vantaxes de utilizar a Sabia.

  • Podes empezar a conseguila dándote a coñecer no mapa e aceptando unha porcentaxe dos teus prezos en Sabias ou o 100%.
  • Tamén podes comezar a conseguila colaborando con proxectos galegos, elexidos por todas nós, de carácter ambiental e social.

Utilizamos un software punteiro na creación de comunidades de intercambio de bens e servizos, Cyclos4communities.

En 5 min tes a túa conta!

Se estás usando ordenador Rexístrate aquí

E para usar a Sabia dende o móbil, descarga a app Cyclos 4 e introduce a dirección: communities.cyclos.org/ASabia

Funcionamos con traballo voluntario.

A moeda precisa dinamización e coidados para que as novas usuarias participen coma calquera, independientemente de que acaben de chegar. Para coordinarnos realizamos reunións por videoconferencia periódicamente pero se che vai máis o presencial consulta os próximos Eventos (ou organiza un onde vivas!).

Co noso orixinal e simple deseño monetario, logramos unha economía con valores coa mínima toma de decisións.

Este deseño único confírelle as seguintes características:

  • Moeda dixital de uso sinxelo dende teléfonos móbiles e ordenadores, co mesmo valor que un euro.
  • Moeda de ámbito galego que representa un compromiso real co consumo de proximidade, co pequeno e mediano comercio e co autoemprego.
  • Mercado online gratuito para ofertas de bens e servizos co que contactar directamente coa tenda ou a persoa que os ofrece e así potenciar os intercambios de bens e servizos entre nós.
  • Mapa para consultar as tendas con local propio que aceptan a moeda, nos que podes usala.
  • Uso libre e inscripción aberta a tódalas persoas e comercios que desexen unir forzas a través desta moeda para recuperar unha cultura da axuda mutua, cooperación e interdependencia.

Consulta as preguntas frecuentes!

Queres empezar pero non sabes como? Estamos ahí para o que precises.


Tamén podes pasarte a charlar ó noso grupo de Telegram e a enterarte das próximas reunións. As túas aportacións serán moi valiosas para nós. Pero sobre todo…

¡Anímate a usala xa!

Rexístrate aquí (se aínda non o fixeches) e sube a túa primeira oferta para apoiar a moeda de veras.

En España somos moitas as moedas sociais e bancos de tempo que estamos funcionando, bastantes máis das que saen neste mapa. E varias delas en Galicia.

Aparicións en medios de comunicación

Este proxecto estase facendo a custe cero en euros e de forma participativa co apoio da asociación sen ánimo de lucro “O Consello da Sabia”.

Crea tu sitio web con WordPress.com
Empieza ahora